الصفحة الرئيسية › أخبار وطنية

أخبار وطنية الاستاذة نائلة السليني معلّقة على المشهد السياسي: أبطال البيوفرا الايطالية نزلوا ارضا ليسكنوا اجسادا تونسية!

باستياء شديد، علّقت الاستاذة نائلة السليني على المشهد السياسي الحالي قائلة ما يلي: 

"صباح الخير: أكثرنا تبع ليلة أمس شريط piovra التونسية، والأكيد أنّ أرواح "Lucky" و Al Capone و Vito Genovese و Gambino و Lucchese و Bonannoو Joseph Colombo جميعها نزلت أرض تونس لتسكن أجساد أشخاص...

اختارو تونس لأنها صغيرة وشعبها بسيط وتحوّل كلّ واحد منهم إلى اصبع من أصابع الأخطبوط ، وكل واحد واختصاصو.. واليوم بعد ما رجعت روح شيخهم إلى السماء ما لقاوش شكون يلمهم.. فدارو ينهشو في بعضهم كيف الكلاب السايبة اللي هرّاها الجوع..

يا صديقاتي وأصدقائي.. صحيح أحنا شعب ما نملك كان العزيمة.. ولذا ما نكونوش نساء وما تكونوش رجال كان ما ناقفوش ضدّ أقوى أخطبوط شافو العالم.. المسألة مسألة حياة أو موت.. والموت المرّة هذي هو موت صغارنا وأحفادنا.. ميسالش حياتنا ورانا.. ويلزم نكونو يد وحدة قادرة على رفع أكبر دبّوز باش نفشخوهم ونطهرو تونس منهم.. بلادكم تعاني من جرح معفّن .. القيح طلع على برّا والدود بدا ياكل في لحمها.. يزّينا من التنبير.. وهذا ينتّش في الاخر على كمشة مجرمة.. وإذا تواصل الحال فأسبوعين ويغمنا الطين"..